Çində "Biguiyuan Phoenix" hoteli turistlərə qaldıqları müddətdə özləri ilə it götürməyə imkan verən "ev heyvanı ilə birgə qalmaq" xidmətini işə salıb.
Liderxeber.az bu barədə "South China Morning Post" qəzetinə istinadla xəbər verir.
Hubey əyalətinin Uhan şəhərində yerləşən hotelin rəhbərliyi yeni xidməti istifadəyə verib. Belə ki, turistlərə gündüz onları müşayiət edəcək və otaqda birlikdə gecələyəcək itlə qalmaq təklif edilməyə başlanılıb. Belə bir xidmətin qiyməti 499 yuan (70 ABŞ dolları) təşkil edir.
Təklifdən yararlanmaq üçün qonaqlar xüsusi müqavilə imzalamalıdırlar, bu da heyvanların hücumu zamanı onlara kompensasiyanın ödənilməsinə zəmanət verir. Qonaqlara sakit xarakterli on itdən birini seçim etmək təklif olunur.
Heyvanı qonaqlara təklif etməzdən əvvəl baytarlar onların sağlamlığını və davranışlarını yoxlayırlar. İtlər əvvəlcədən peyvənd olunur və qonaqlarla necə davranacaqlarına dair öyrədilir.
