Talent Staff & Business Solutions şirkətinin təsisçisi və direktoru, peşəkar HR eksperti Sevda Quliyeva Kiçik və Orta Biznesin İnkişafı Agentliyinin (KOBİA) rəhbəri Orxan Məmmədovla görüş keçirib.
Liderxeber.az xəbər verir ki, görüş zamanı Sevda Quliyeva rəhbərlik etdiyi şirkətin fəaliyyəti, həyata keçirdiyi layihələr, insan resurslarının idarə olunması sahəsində gördüyü işlər və gələcək inkişaf planları barədə ətraflı məlumat təqdim edib.
Tərəflər şirkətin inkişaf perspektivləri, biznes mühitinə verdiyi töhfələr, məşğulluğun artırılması və insan kapitalının inkişafı istiqamətində görülən işləri müzakirə ediblər.
Görüşdə həmçinin fəaliyyətin genişləndirilməsi, biznes təşəbbüslərinin dəstəklənməsi və gələcək əməkdaşlıq imkanları ilə bağlı fikir mübadiləsi aparılıb.
