İrəvandan Kişineuya uçan "FlyOne" aviaşirkətinin təyyarəsi göyərtəsində nasazlıq yarandığı üçün məcburi eniş edib.
Liderxeber.az "Sputnik Moldova" "Telegram" kanalına istinadən xəbər verir ki, güclü stres səbəbindən bir neçə sərnişinin tibbi yardıma ehtiyacı olub.
"Hadisə təyyarə havaya qalxandan az sonra baş verib - ekipaj yanacağın yandırılması üçün Ermənistan ərazisi üzərində təxminən iki saat dövrə vurmaq və daha sonra təyyarəni təhlükəsiz şəkildə yerə endirmək qərarına gəlib", - məlumatda bildirilir.
Qeyd olunur kimi, aviadaşıyıcı faktı təsdiqləyib və nasazlığın aşkar edildiyini, enişin standart təhlükəsizlik prosedurlarına uyğun olaraq həyata keçirildiyini qeyd edib.
Məlumata görə, hazırda 150-yə yaxın insan növbəti reys barədə məlumat gözləyir.
