İsrail İranın obyektlərinə hücum edərək "bütün qırmızı xətləri keçib".
Liderxeber.az TASS-a istinadən xəbər verir ki, bu barədə İran Silahlı Qüvvələrinin Baş Qərargahının bəyanatında deyilir.
Qeyd olunub ki, Tehranın cavab zərbəsi endirmək üçün heç bir məhdudiyyəti yoxdur.
Bəyanatda həmçinin İsrailin hücumu nəticəsində Baş Qərargah rəisi general-leytenant Məhəmməd Baqeri, "Xatəm əl-Ənbiya" mərkəzi qərargahının (Hava hücumundan müdafiə qoşunları qərargahının) komandanı general-leytenant Qolam Əli Rəşid və İslam İnqilabı Keşikçiləri Korpusunun (SEPAH) rəhbəri general-leytenant Hüseyn Salaminin həlak olduğu təsdiqlənib.
