ABŞ və Çin nümayəndələri Londonda keçirilən danışıqlar zamanı ikitərəfli ticarətdə məhdudiyyətlərin qismən aradan qaldırılması və nadir torpaq metallarının Çindən tədarükünün təmin edilməsi üzrə razılaşmaların icrası üçün fəaliyyət planını razılaşdırıblar.
Liderxeber.az xarici KİV-ə istinadən xəbər verir ki, bu barədə ABŞ-nin ticarət naziri Hovard Latnik jurnalistlərə açıqlamasında bildirib.
"Biz Cenevrə konsensusunun icrasına dair çərçivə razılaşmasına nail olduq", - deyə nazir bildirib.
Latnikin sözlərinə görə, tərəflərin razılaşdırdığı fəaliyyət planı ABŞ Prezidenti Donald Trampa və Çin lideri Si Cinpinə təqdim olunacaq.
