Dəmir orqanizmdə oksigenin daşımasında, əzələlərin metabolizmasında iştirak edir və bağlayıcı toxumanın normal fəaliyyətini təmin edir.
Bu maddənin çatışmazlığı sağlamlıq problemlərinə səbəb ola bilər.
Yorğunluq. Görünən səbəblər olmadan, kifayət qədər yuxu alsanız da, zəiflik və yorğunluq hissi yaşaya bilərsiniz. Dəmir çatışmazlığı həmçinin yuxusuzluq və narahat ayaq sindromu ilə əlaqələndirilir.
Həmişə soyuq əllər və ayaqlar. Ümumilikdə, başqalarına nisbətən daha çox üşüyə bilərsiniz.
Qeyri-adi solğun dəri. Bu, qan dövranının azalması nəticəsində baş verir, çünki orqanizm kifayət qədər eritrosit istehsal etmir.
Tez-tez başgicəllənmə və ya huşun itməsi hissi. Bu, orqanizmdə dəmir azlığı olduğunda baş verə bilər.
Tez-tez baş ağrıları. Son araşdırmalar göstərib ki, xroniki gündəlik baş ağrıları ilə dəmir çatışmazlığı anemiyası arasında güclü əlaqə mövcuddur. Dəmir çatışmazlığı olan insanlar arasında miqrenlər də geniş yayılıb.
Zəif və ya asan qırılan saçlar və dırnaqlar. Həmçinin, koyloniya adlı xəstəlik inkişaf edə bilər. Bu, dəmir çatışmazlığı olan insanların təxminən 5%-ində müşahidə edilir.
Buz yemək istəyinin olması. Bu, daha çox yeniyetmələrdə və hamilə qadınlarda rast gəlinir.
Xəbər məzmununu həkimin müayinəsi ilə əvəz etmək olmaz. Hər hansı qərar qəbul etməzdən əvvəl mütəxəssislə məsləhətləşmək məsləhətdir.
