5 mart – İdman Günü münasibətilə Sumqayıt şəhər 7 nömrəli tam orta ümumtəhsil məktəbində xüsusi və yadda qalan görüş təşkil olundu.
Liderxeber.az xəbər verir ki, tədbirin fəxri qonağı, Yunan-Roma güləşi üzrə Avropa çempionu, Hüseyn Abbasov idi.
Məktəbin direktoru Nuranə Hümbətova tədbiri açıq elan edərək ölkə rəhbərliyinin idmana və gənclərə göstərdiyi xüsusi diqqət və qayğını vurğuladı. O, idmanın gənclərin fiziki, mənəvi və intizamlı inkişafında əvəzolunmaz rol oynadığını qeyd etdi.
Hüseyn Abbasov çıxışında öz uğur hekayəsini şagirdlərlə bölüşərək, zəhmət, əzmkarlıq və vətən sevgisinin insanı zirvələrə apardığını vurğuladı.
O, beynəlxalq arenada qazandığı uğurlardan bəhs edərək bildirdi ki, o, Avropa çempionatlarında çempion titulunu qazanmış, ölkəmizi layiqincə təmsil etmişdir.
Görüşdə məktəbin idmançı şagirdləri aktiv iştirak etdi, maraqlı suallar ünvanladılar və öz fikirlərini paylaşdılar.
Məktəbimizdə hər il ənənəvi olaraq uğur qazanan şagirdlər və Azərbaycan bayrağını ölkəmizdən kənarda yüksəldən idmançılarla görüşlər təşkil olunur.
