Azərbaycan Güləş Federasiyasının Hakimlər Komitəsinin sədri Asif Şirəliyev Albaniyanın paytaxtı Tiranada keçirilən “Muhamet Malo” turnirinin ən yaxşı hakimi seçilib.
Liderxeber.az xəbər verir ki, I-S kateqoriyalı hakim fevralın 25-dən martın 1-dək baş tutan reytinq xarakterli yarışda ədaləti yüksək səviyyədə qoruduğu üçün yerli federasiya tərəfindən təltif olunub.
Albaniya Güləş Federasiyasının prezidenti Sahit Prizreni həmyerlimizə turnirin ən yaxşı hakimi üçün nəzərdə tutulmuş xüsusi mükafatı təqdim edib.
Xatırladaq ki, yunan-Roma güləşi üzrə yığmamız yeni baş məşqçi Məhəmməd Bənanın rəhbərliyi altında reytinq turnirinin qalibi olub. Komandamız 2 qızıl və 3 gümüş medal qazanıb. Sərbəst güləş millimiz isə baş məşqçi Xetaq Qozyumovun rəhbərliyi ilə yalnız 1 gümüş, və 3 bürünc medalla kifayətlənib və 2-ci yeri tutub.
