Qazaxıstanda Kurultay adlanan birpalatalı yeni parlamentə ilk seçkilər 23 avqustda keçiriləcək.
Liderxeber.az xəbər verir ki, bu barədə Qazaxıstan Prezidenti Kasım-Jomart Tokayevin Fərmanında deyilir.
Həmçinin Fərmanla Qazaxıstanın Mərkəzi Seçki Komissiyasına seçkilərin hazırlanmasını və keçirilməsini təşkil etmək, respublikanın hökumətinə və regionlardakı yerli hakimiyyət orqanlarına isə onların təşkili və maddi-texniki təminatı üzrə tədbirlər görmək tapşırılıb. Fərman dərc edildiyi andan qüvvəyə minib.
Qeyd edək ki, Qazaxıstanın yeni Konstitusiyası bu gün, iyulun 1-də qüvvəyə minib. Yeni Konstitusiya 5 illik müddətə seçiləcək və 145 deputatdan ibarət olacaq birpalatalı parlamentə keçidi nəzərdə tutur. Deputatlar Kurultaya yalnız partiya siyahıları ilə seçilə biləcəklər.
