Keçən il qadınlarla bağlı törədilən cinayətlərin ümumi sayında 47 fakt azalma müşahidə olunub.
Liderxeber.az xəbər verir ki, bunu daxili işlər naziri Vilayət Eyvazov Daxili İşlər Nazirliyində ötən ilin yekunları ilə bağlı keçirilən geniş kollegiya iclasında çıxışında deyib.
Nazir bildirib ki, həmin müddətdə ailə münaqişəsi zəminli cinayətlərin sayında isə 1,8 faiz azalma qeydə alınıb.
V.Eyvazov eyni zamanda yeniyetmə və gənclərin hüquqazidd hərəkətlərinin qarşısının alınması üzrə qabaqlayıcı tədbirlərin müsbət nəticələr verdiyini və onların hüquqazidd əməllərinin dinamikasında 18,5 faiz azalmanın qeydə alındığını da bildirərək gənclərin bəzi sosial şəbəkə seqmentlərində yayımlanan zərərli informasiyaların təsiri altına düşməməsi, sağlamlığa ziyanlı vərdişlərdən çəkindirilməsi istiqamətində aparılan işlərin səmərəsinin artırılmasını tələb edib.
