"Yeni il tətilləri gündəlik rejimin pozulması səbəbindən yuxusuzluğa səbəb ola bilər və işə qəfil qayıtmaq problemi daha da ağırlaşdırır".
Liderxeber.az xəbər verir ki, bu barədə rusiyalı həkim Maksim Novikov yerli mətbuata verdiyi müsahibədə bildirib.
O, tədricən normal qrafikə qayıtmağı, hər gecə 15-30 dəqiqə tez yatmağı tövsiyə edib: "İsti vanna, bitki çayı, işıqları azaltmaq və yatmazdan əvvəl elektron cihazlardan uzaq durmaq yuxunu normallaşdırmağa kömək edə bilər. Yataq otağını havalandırmaq və radiatora və ya su qabına yaş dəsmal qoymaqla havanı nəmləndirmək də vacibdir".
Həkim qışda fiziki aktivliyin azlığının sağlam yuxuya mane olduğunu vurğulayıb: "Hətta 20-30 dəqiqəlik gəzinti və ya qısa bir məşq belə endorfin ifraz etməklə gündəlik həyatınızı bərpa etməyə və əhvalınızı yaxşılaşdırmağa kömək edəcək".
