"Ermənistan sülhün bərqərar olması üçün yaranmış imkandan faydalanmalıdır".
Liderxeber.az xəbər verir ki, bunu Azərbaycan Prezidenti İlham Əliyevin xüsusi tapşırıqlar üzrə nümayəndəsi Elçin Əmirbəyov "İsveç Radiosu"na verdiyi müsahibədə deyib.
O, müsahibəsində Azərbaycan və Ermənistan arasında normallaşma prosesindən bəhs edib, iki ölkə arasında sülh müqaviləsinin imzalanması üçün Azərbaycana qarşı ərazi iddialarının əks olunduğu Ermənistan Konstitusiyasına dəyişiklik edilməsinin vacibliyini önə çəkib.
E.Əmirbəyov hazırkı durumda Emənistanın əsl niyyəti ilə bağlı ciddi sualların qaldığını, Azərbaycanda bu ölkəyə qarşı inamsızlığın əsaslı olduğunu qeyd edib.
O, habelə sülh prosesi kontekstində Ermənistandan qovulmuş çox sayda azərbaycanlının hüquqları məsələsini də qabardıb.
