Abşeron Rayon Mərkəzi Xəstəxanasının həkimi, beynəlxalq EASO və ESPEN təşkilatlarının, həmçinin NDPP-nin üzvü doktor Ülkər Vəliyeva 13-cü Beynəlxalq Piylənmə və Yanaşı Gedən Xəstəliklər (Diabet, Ateroskleroz, Hipertoniya, Hiperlipidemiya) Konqresində iştirak edib.
Liderxeber.az xəbər verir ki, tədbir Türkiyənin məşhur Kapadokya bölgəsində keçirilib və piylənmə ilə bağlı xroniki xəstəliklər sahəsində dünyanın müxtəlif ölkələrindən tanınmış mütəxəssisləri, alimləri və həkimləri bir araya gətirib.
Konqres çərçivəsində piylənmə və onunla yanaşı gedən xəstəliklərin qarşısının alınması, müasir müalicə metodları, profilaktik tədbirlər və yeni elmi tədqiqatların nəticələri müzakirə olunub.
Doktor Ülkər Vəliyevanın bu tədbirdə iştirakı beynəlxalq təcrübə mübadiləsinə, müasir biliklərin öyrənilməsinə və bu biliklərin gələcəkdə ölkəmizdə tətbiqinə mühüm töhfə verəcəkdir.
