Son Xəbərlər
Ermənistan Xarici İşlər Nazirliyi (XİN) Belarusa etiraz notası göndərib.
Ermənistan ordusunun hərbçisi naməlum şəraitdə aldığı güllə yarasından ölüb.
Prezident İlham Əliyev Qurban bayramı münasibətilə Azərbaycan xalqını təbrik
Müdafiə naziri general-polkovnik Zakir Həsənov Azərbaycanda səfərdə olan Çin
Rusiya Prezidenti Vladimir Putin yaxın dəqiqələrdə ölkənin Xarici İşlər
Əhalinin banklardakı əmanətlərinin məbləği il ərzində 10,5 faiz artaraq
Sabahdan Azərbaycanda bayram tətili başlayır. Liderxeber.az xəbər verir ki, 15
“Qarabağ”ın yeni qapıçısının transferi üçün ödədiyi məbləğ bəlli olub.
İqtisadiyyat Nazirliyi yanında Əmlak Məsələləri Dövlət Xidməti “Bakı Mərmər
banner

Bakı Avtovağzalı ilə daşıyıcılar arasında müqavilələrin müddəti artırılıb

16 yan 2023, 09:50
Bakı Avtovağzalı ilə daşıyıcılar arasında müqavilələrin müddəti artırılıb

Bakı Beynəlxalq Avtovağzal Kompleksinin şəhərlərarası və rayonlararası istiqamətlər üzrə sərnişin daşıyan daşıyıcılarla müqavilələrinin müddəti artırılıb.

Bu barədə LiderXəbər-ə kompleksdən bildirilib.

Məlumata görə, artıq avtovağzalla daşıyıcının arasında qarşılıqlı münasibətlərin qurulmasına dair müqavilə sənədi artıq 1 aylıq deyil, 3 ay müddətinə imzalanır. Məqsəd sərnişindaşımada xidmət keyfiyyətinin artırılması, daşıyıcıların rentabelliyinin təmin olunması, şəffaflığın yaradılması, sərnişinlərin rahat və təhlükəsiz şəkildə mənzil başına çatdırılmasıdır.

Nazirlər Kabinetinin 5 fevral 2009-cu il tarixli qərarı ilə təsdiq edilmiş “Avtovağzal və avtostansiya haqqında Əsasnamə”yə və “Avtomobil nəqliyyatı ilə sərnişin və baqaj daşınması” qaydalarına əsasən şəhər və rayonlararası sərnişindaşıma üçün avtovağzalla daşıyıcı arasında müqavilə bağlanılır.

Müqaviləyə əsasən hər iki tərəf sərnişinlərin rahat və təhlükəsiz şəkildə mənzil başına çatdırılmasını təmin edir. Avtovağzal daşıyıcıya həvalə edilmiş daşımalar üzrə sərnişinlərə bilet satışını və qanunvericiliyə uyğun digər xidmətləri həyata keçirir, daşıyıcını sərnişinlə təmin edir.

Daşıyıcı reysqabağı texniki və tibbi müayinələri təmin edir, daşımaya yalnız istismara texniki cəhətdən yararlı, ekoloji tələblərə və sərnişin daşınmasında təhlükəsizliyin təmin edilməsi qaydalarına tam cavab verən, sərnişin daşınması üçün nəzərdə tutulmuş müvafiq növ avtobuslar buraxır. Eyni zamanda biletsiz sərnişin qəbul etmir və daşımır, avtovağzalın daxili intizam və sair qaydalarına əməl edir.