Son Xəbərlər
Ermənistan Xarici İşlər Nazirliyi (XİN) Belarusa etiraz notası göndərib.
Ermənistan ordusunun hərbçisi naməlum şəraitdə aldığı güllə yarasından ölüb.
Prezident İlham Əliyev Qurban bayramı münasibətilə Azərbaycan xalqını təbrik
Müdafiə naziri general-polkovnik Zakir Həsənov Azərbaycanda səfərdə olan Çin
Rusiya Prezidenti Vladimir Putin yaxın dəqiqələrdə ölkənin Xarici İşlər
Əhalinin banklardakı əmanətlərinin məbləği il ərzində 10,5 faiz artaraq
Sabahdan Azərbaycanda bayram tətili başlayır. Liderxeber.az xəbər verir ki, 15
“Qarabağ”ın yeni qapıçısının transferi üçün ödədiyi məbləğ bəlli olub.
İqtisadiyyat Nazirliyi yanında Əmlak Məsələləri Dövlət Xidməti “Bakı Mərmər
banner

Hərbi Prokurorluq Ulu Öndər Heydər Əliyevin 100 illik yubileyi ilə bağlı Ağcabədidə tədbir keçirib

13 noy 2023, 11:48
Hərbi Prokurorluq Ulu Öndər Heydər Əliyevin 100 illik yubileyi ilə bağlı Ağcabədidə tədbir keçirib

Hərbi Prokurorluq Ağcabədi rayonunda rayon rəhbərliyi və ictimaiyyəti, şəhid ailələri və qazilərlə, eləcə də Müdafiə Nazirliyinin hərbi qulluqçuları birgə tədbir keçirib.

Hərbi Prokurorluğun mətbuat xidmətindən LiderXəbər-ə bildiriblər ki, əvvəlcə Ümummilli Lider Heydər Əliyevin abidəsinin və şəhidlər guşəsinin önünə gül dəstələri düzülərək, onların əziz və unudulmaz xatirələri bir dəqiqəlik sükutla anılıb, Allahdan onlara rəhmət, qazilərə şəfa arzulanıb.

Azərbaycan Respublikasının Dövlət Himni səsləndirilib. Ardınca Baş prokuror Kamran Əliyevin və Hərbi prokuror Xanlar Vəliyevin salamları şəxsi heyətə və tədbir iştirakçılarına çatdırılıb.

Mərasimdə çıxış edən Ağcabədi Rayon İcra Hakimiyyətinin başçısı Rafil Hüseynov, Ağdam hərbi prokuroru, ədliyyə polkovniki Surxay Hüseynov, Hərbi Prokurorluğun Kriminalistika və İnformasiya Texnologiya İdarəsinin rəisi, ədliyyə polkovniki Emil Kərimov, Hərbi prokurorun böyük köməkçisi, mətbuat xidmətinin rəhbəri, baş ədliyyə müşaviri Firad Əliyev, polkovnik-leytenant Mehman Ədilov və digər çıxışçılar müstəqillik yolumuzu və firavan istiqbalımızı nurlandıran, xalqını zamanın sərt sınaqlarından yüksək məharətlə çıxararaq, hər bir çətin vəziyyətdən ən düzgün çıxış yolu tapan nəhəng tarixi şəxsiyyət Heydər Əliyevin şərəfli və mənalı ömründən, çoxşaxəli və zəngin fəaliyyətindən, dövlətimizin qüdrətlənməsində, xalqın rifahının yüksəldilməsində misilsiz xidmətlərindən və dünya siyasətinə verdiyi töhfələrdən bəhs ediblər.

Çıxışçılar, eyni zamanda, xalqımızın böyük oğlu Heydər Əliyevin Azərbaycanın parlaq gələcəyinə hesablanmış mükəmməl siyasətini yeni müstəvidə dövrün tələblərinə uyğun şəkildə uğurla davam etdirən Prezident İlham Əliyevin rəhbərliyi ilə son 20 il müddətdə ölkədə görülmüş misilsiz işlərdən, həyata keçirilmiş hərtərəfli köklü islahatlardan, bütün sahələrdə əldə olunmuş müstəsna uğurlardan, o cümlədən qüdrətli Silahlı Qüvvələrimizin formalaşmasından, bu uğurların qazanılmasında Birinci vitse-prezident Mehriban xanım Əliyevanın dəstəyindən və xalqın müdrikliyindən danışıblar.

Tədbirdə, həmçinin Müzəffər Ali Baş Komandanın rəhbərliyi ilə qazanılmış tarixi qələbə və uğurlu antiterror tədbirləri xüsusi vurğulanıb, Vətən müharibəsindən, antiterror tədbirlərindən, o dövrlərdə prokurorluğun, həmçinin hərbi prokurorluğun Silahlı Qüvvələrlə, o cümlədən Müdafiə Nazirliyi ilə, eləcə də aidiyyəti rayonların rəhbərlikləri ilə qarşılıqlı səmərəli fəaliyyətindən bəhs edilib, iftixar dolu günlərin unudulmaz təəssüratları xatırlanıb.

Sonda xidməti vəzifələrini nümunəvi icra edən hərbçilər mükafatlandırılıb, həmçinin hərbi qulluqçular qarşısında hüquqi maarifləndirici məzmunlu çıxışlar olunub, onları maraqlandıran suallar cavablandırılıb, eləcə də hərbçilərin qayğı və problemləri ilə maraqlanılıb.

Eləcə də şəhid ailələri və qazilərlə tədbirin təəssüratları bölüşülüb, fikir mübadiləsi aparılıb, onların qayğıları ilə maraqlanılıb, istər dövlət səviyyəsində, istərsə də vətəndaşlarımızın göstərdiyi diqqətə görə minnətdarlıq ifadə olunub.