"Barselona"nın kapitanı Serxio Buskets komandada 700-cü matçına çıxıb.
LiderXəbər xəbər verir ki, onun yubileyi İspaniya Super Kubokunun yarımfinalının "Betis"lə matçında təsadüf edib. Buskets 63-cü dəqiqədə meydana daxil olub.
"Barselona"nın yetirməsi olan futbolçu 2008-ci ildən əsas komandada çıxış edir. O, klubda ən çox oyun keçirən 3-cü futbolçudur. Rekordçu hazırda PSJ-də çıxış edən Lionel Messidir. Argentinalı hücumçu "Barselona" formasıyla 778 görüşdə iştirak edib. İkinci isə komandanın sabiq kapitanı, hazırda Kataloniya təmsilçisini çalışdıran Xavidir - 767 matç.
