Son Xəbərlər
Tərtər Rayon İcra hakimiyyətinin və Qərbi Azərbaycan İcmasının təşkilatçılığı
Futbol üzrə Avropa çempionatının I turunda üz-üzə gələn Macarıstan və İsveçrə
Yaponiyada 48 saat ərzində insanı öldürə bilən nadir “ət yeyən bakteriya”nın
“Sədərək” ticarət mərkəzində yanğın baş verib. Bu barədə Liderxeber.az -a
ABŞ Dövlət Departamenti ölkə ərazisində 10 il yaşayan qeyri-leqal miqrantlara
Ələt-Astara yolunda "Kia Optima" markalı avtomobil yanıb. Bu barədə
Yeni tədris ili üçün Bakı Dövlət Universitetinə (BDU) qəbul planı açıqlanıb.
Xocalı rayonu ərazisində aşkar olunmuş "2K11 Kruq" zenit-raket
Hər bir fəsildə meyvələrin insan orqanizmi üçün faydaları mühüm və fərqlidir.
İyunun 16-da gözlənilən hava şəraiti açıqlanıb. Milli Hidrometeorologiya
banner

AFFA rəsmisi: Qazaxıstan bizdən çox güclü deyil

11 iyn 2024, 15:52
AFFA rəsmisi: Qazaxıstan bizdən çox güclü deyil

Qazaxıstan millisi bizdən çox güclü deyil.

Bunu Liderxeber.az-a açıqlamasında futbol üzrə Azərbaycan yığmasının sabiq futolçusu Aslan Kərimov deyib.

AFFA-nın təhsil proqramının rəhbəri bu gün yoldaşlıq görüşü çərçivəsində Qazaxıstan ilə üz-üzə gələcək Azərbaycan millisinin şansları barədə danışıb: "Qazaxıstan millisi seçmə mərhələ oyunlarında özünü ən yaxşı tərəfdən göstərmişdi. Onların oyun üslubu təxminən Albaniya yığmasının sərgilədiyi performansla eynidir. Qazaxıstan rəqiblərini əks-hücumlarda yaxalamağı sevən bir kollektivdir. Bizimlə görüşdə də eyni tərzdə çıxış edəcəklər. Qazaxıstan millisi bizdən çox güclü deyil. Azərbaycanla görüşdə dominantlıq edəcəkləri inandırıcı deyil. Sadəcə, bəlli mövqelərdə oyunçuları var ki, əks-hücumlar zamanı təhlükəli vəziyyətlər yarada bilirlər. Şanları 50-nin 50-yə dəyərləndirərdim. İstənilən halda, nəzərə almalıyıq ki, bu, yoxlama görüşüdür".

51 yaşlı mütəxəssis məşqçi Arif Əsədovun yığmamızı oyunlara yaxşı hazırladığını bildirib: "Arif Əsədovun millinin məşqçisi kimi gördüyü iş göz qabağındadır. Bolqarıstan ilə keçirdiyimiz yoxlama görüşündə meydana çox yaxşı komanda çıxarmışdı. Albaniya ilə matçda da pis oynamadıq. Təəssüf ki, müəyyən anlarda buraxdığımız səhvlər qolla nəticələndi. Məncə, artıq milli komandamızın baş məşqçisinin kim olacağı bəllidir. Sadəcə, bunu biz bilmirik. İstərdim ki, yerli mütəxəssis olsun. Lakin böyük ehtimalla yeni məşqçi əcnəbi olacaq. Kimliyindən asılı olmayaraq, kim gələcəksə, Azərbaycan futboluna yararlı biri olmalıdır, hər birimizin istəyi də budur".

Qeyd edək ki, Azərbaycan - Qazaxıstan görüşü bu gün, saat 18:00-da Macarıstanın Sombatxey şəhərindəki “Haladas SportKomplexum”da keçiriləcək.