Ağrı hissi çox vaxt onun gözlənilməzliyindən asılıdır.
Liderxeber.az-ın verdiyi məlumata görə, bu barədə Yaponiyanın Tsukuba Universitetinin alimlərinin apardıqları tədqiqatdan məlum olub. Araşdırmanın nəticələri "Cognition" elmi jurnalında dərc olunub.
Təcrübə zamanı iştirakçılara termal ağrı verilib, eyni anda onlara virtual reallıqda görüntülər göstərilib.
Məlum olub ki, gözləntilər reallıqla üst-üstə düşmədikdə, ağrı daha güclü hiss olunur.
Alimlər, həmçinin qeyd ediblər ki, ağrı ilə bağlı qeyri-müəyyənlik və narahatlıq, onun daha pis hiss olunmasına səbəb ola bilər. Bu, xüsusilə xroniki ağrıdan əziyyət çəkənlər üçün belədir - gözləntilərlə reallıq arasındakı uyğunsuzluq əlavə iztirablara yol açır.
Tədqiqatçılar hesab edirlər ki, bu fərqi azaltmaq yeni müalicə üsullarının açarı ola bilər. Onların sözlərinə görə, ağrının necə qəbul edildiyini başa düşmək, xəstələrə xəsarətlərdən və xroniki şərtlərdən daha tez sağalmağa kömək edə biləcək müalicələrin inkişafına səbəb ola bilər.
