Azərbaycan qanunvericiliyinə əsasən, birgə nikahda alınan ev ər və arvadın birgə mülkiyyəti hesab olunur. Lakin bəzi hallarda bu evdə qohumlar, məsələn, qayınana, baldız və ya qayın da qeydiyyata düşə bilirlər.
Belə olan halda ev sahibi qəfildən rəhmətə gedərsə, evdə qeydiyyatda olan qohumlar mirasdan pay tələb edə bilərlərmi?
Mövzu ilə bağlı hüquqşünas Emil Aslanov açıqlamasında bildirib ki, qanunvericiliklə qeydiyyat məsələsində heç bir pay bölgüsü nəzərdə tutulmayıb.
