Son Xəbərlər
Tərtər Rayon İcra hakimiyyətinin və Qərbi Azərbaycan İcmasının təşkilatçılığı
Futbol üzrə Avropa çempionatının I turunda üz-üzə gələn Macarıstan və İsveçrə
Yaponiyada 48 saat ərzində insanı öldürə bilən nadir “ət yeyən bakteriya”nın
“Sədərək” ticarət mərkəzində yanğın baş verib. Bu barədə Liderxeber.az -a
ABŞ Dövlət Departamenti ölkə ərazisində 10 il yaşayan qeyri-leqal miqrantlara
Ələt-Astara yolunda "Kia Optima" markalı avtomobil yanıb. Bu barədə
Yeni tədris ili üçün Bakı Dövlət Universitetinə (BDU) qəbul planı açıqlanıb.
Xocalı rayonu ərazisində aşkar olunmuş "2K11 Kruq" zenit-raket
Hər bir fəsildə meyvələrin insan orqanizmi üçün faydaları mühüm və fərqlidir.
İyunun 16-da gözlənilən hava şəraiti açıqlanıb. Milli Hidrometeorologiya
banner

Paşinyan Azərbaycanla delimitasiya üzrə imzalanan protokolu böyük uğur adlandırıb

16 may 2024, 12:12
Paşinyan Azərbaycanla delimitasiya üzrə imzalanan protokolu böyük uğur adlandırıb

Ermənistan Baş naziri Nikol Paşinyan Azərbaycanla sərhədlərin delimitasiyası üzrə ötən gün imzalanan müvafiq protokolu böyük uğur adlandırıb.

LiderXəbər.az xəbər verir ki, hökumətin iclasında çıxış edən Nikol Paşinyan bildirib ki, sözügedən sənəd ölkəsinin suverenliyi və təhlükəsizliyinin möhkəmləndirilməsinin təməl prinsipini təşkil edir.

“Müstəqillik tarixində ilk dəfə olaraq Ermənistan rəsmi şəkildə delimitasiya olunmuş sərhədə malikdir. Bu isə təkcə protokolda əks olunan istiqamətdə deyil, bütövlükdə Ermənistan-Azərbaycan sərhəd xəttinin hər perimetri boyunca təhlükəsizlik və sabitliyin səviyyəsini yüksəldəcək”, – Paşinyan deyib.

Ermənistan hökumətinin başçısı həmçinin Ermənistan-Azərbaycan sərhədlərinin delimitasiyası üzrə Birgə Komissiyanın fəaliyyətini yüksək qiymətləndirib.

Baş nazir Paşinyan onu da bildirib ki, Azərbaycanla sərhədlərin delimitasiya prosesi SSRİ-nin 1976-cı ilə aid və yeganə hüquqi qüvvəyə malik olan xəritələri əsasında həyata keçirilir.

Hökumətin iclasında çıxışı zamanı o həmçinin bu xəritələrin hələ 1979-cu ildə dəqiqləşmə prosesindən keçdiyini xatırladıb.

Nikol Paşinyan əlavə edib ki, delimitasiya proseduru zamanı ölkəsinin Sovet dövrünə aid xəritələri əsas kimi qəbul etməməsi regionda davamlı gərginliyə səbəb ola bilərdi: “Ölkələrimiz arasında yeni sərhədlərin yaranmaması, Almatı bəyannaməsindəki sərhəd xətlərinin əsas götürülməsi bizim üçün prinsipial məsələdir. SSRİ-nin hüquqi qüvvəyə malik olan son xəritələri hazırda əlimizdədir”.