Son Xəbərlər
28 May - Müstəqillik Günü münasibətilə İraqın paytaxtı Bağdadda ən hündür
ABŞ noyabrda Azərbaycanın BMT-nin İqlim Dəyişmələri üzrə Çərçivə
Azərbaycanın Birinci vitse-prezidenti Mehriban Əliyeva sosial şəbəkə hesabında
BMT-nin Baş katibi Antonio Quterreş İsrail ordusunun Qəzza zolağının
Rusiyada yaddaş itkisi və hallüsinasiyalara səbəb olan xəstəliyin yayılması
Bir neçə gündür ölkə ərazisində tozlu hava şəraiti hökm sürür. Bəs görəsən, bu
İran zənginləşdirilmiş uran ehtiyatlarını 60 %-ə çatdırıb. Liderxeber.az xəbər
Macarıstanın paytaxtı Budapeştdə keçirilən Avropa çempionatında uğurla çıxış
Azərbaycan bu il COP29-a ev sahibliyi etmək şərəfinə nail olub. Azərbaycanın
banner

Füzuli rayonunda müşavirə keçirilib

15 apr 2023, 13:08
Füzuli rayonunda müşavirə keçirilib

Füzuli rayonunda birinci rüb ərzində vətəndaş müraciətləri, onların təhlili və qarşıda duran vəzifələrə həsr edilmiş ümumrayon müşavirəsi keçirilib. “Qafqazinfo” xəbər verir ki, müşavirədə Rayon İcra Hakimiyyəti başçısının müavinləri, şöbə müdirləri, YAP Füzuli rayon təşkilatının sədri, sahibkarlar və ictimaiyyət nümayəndələri iştirak ediblər.

LiderXəbər xəbər verir ki, müşavirəyə başlamazadan əvvəl bütün şəhidlərin əziz xatirəsi bir dəqiqəlik sükutla yad edilib. Füzuli Rayon İcra Hakimiyyətinin başçısı Alı Alıyev rayon ərazisində sahibkarlarlığın və özəl sektorun inkişafına mübit şəraitin yaradıldığını bildirib.

Müşavirədə Rayon İcra Hakimiyyəti vətəndaş məmnunluğunu artırmaq və xidmət keyfiyyətinin yaxşılaşdırılmasının təmin olunması məqsədilə Rəqəmsal İcra Hakimiyyəti elektron sisteminin üstünlükləri haqqında məlumat verilmişdir. Belə ki, vətəndaşlar vaxt itirmədən qısa müddət ərzində Rayon İcra Hakimiyyətinin və inzibati ərazi dairəsi üzrə nümayəndəliklərin səlahiyyətlərinə aid olan sənədləri onlayn qaydada əldə edə və qəbullara yazıla bilərlər. 2023-cü ilin 3 ayı ərzində vətəndaşlara Rayon İcra Hakimiyyətinə və inzibati ərazi dairəsi üzrə nümayəndəliklərə getmədən ailə vəziyyətini təsdiq edən arayışlar və digər arayışlar olmaqla ümümilikdə 1013 arayış verilib.

Bununla yanaşı artıq rayonda ASAN müraciət informasiya sisteminin aktiv olması barədə məlumat verilib.  

Bundan sonra Rayon İcra Hakimiyyətinin başçısı Alı Alıyev vətəndaş müraciətlərinin motivinin əsasını təşkil edən məsələlərə cavabdeh xidmət təşkilatlarının rəhbərlərinə ciddi iradını bildirib və mövcud problemlərin qısa müddət ərzində həll olunması üçün tapşırıqlarını verib. Müşavirə zamanı vətəndaşların öz müraciətlərini sərbəst səsləndirmələri üçün yaradılmış şəraitdən istifadə edərək, rayon ərazisində şəkər dərmanlarının vaxtında çatdırılması, təcili tibbi yardım xidmətinin təşkili, yollarda hərəkətin sıxlığını nəzərə alaraq kamera və radarların quraşdırılması, içməli və suvarma suyu ilə bağlı yaranmış çətinliklərin aradan qaldırılması, sahibsiz itlərin yaşayış məntəqələrindən uzaqlaşdırılması, Böyük Bəhmənli kəndində sakinlərin ümumi istifadəsində olan örüş sahəsinin qanunsuz zəbt olunması mövcud problemlər olaraq vətəndaşlar tərəfindən bildirilib.

Sonda Alı Alıyev çıxış edərək Prezident İlham Əliyevin vətəndaşların müraciətlərinə qayğı və həssaslıqla yanaşılması ilə bağlı verdiyi tapşırıq və tövsiyələri rəhbər tutaraq yerlərdə qəbul və səyyar görüşlərin keçirilməsi, vətəndaşların qaldırdıqları məsələlərin operativ həllinə yönəlmiş tədbirlərin görülməsinin Füzuli Rayon İcra Hakimiyyəti tərəfindən bundan sonrada davam etdiriləcəyini bildirib.