Bakıda hazırda davam edən WUF13 sammiti çərçivəsində “Şəhər-Sənaye-İqlim Nexusu (Qovşağı) səviyyəsində Yaşayış Evlərinin və Binaların Karbonsuzlaşdırılması” mövzusunda tədbir keçirilir.
Liderxeber.az xəbər verir ki, tədbirdə çıxış edən “Urban Transition Mission” təşkilatının direktoru Giorgia Rombelli konfransın ümumilikdə dekarbonizasiya məsələlərinə həsr olunduğunu diqqətə çatdırıb.
İqlim dəyişikliyinə nail olmaq üçün fundamental dəyişikliyin önəmindən bəhs edən Rambelli dünyada 14 000 icmanın artıq Merlərin İqlim və Enerji üzrə Qlobal Razılaşmasına qoşulduğunu və tullantıların azaldılmasına, tullantıların əhəmiyyətli dərəcədə azaldılmasına və iqlimə uyğunlaşma strategiyasının icrasına artıq öhdəlik götürdüklərini bildirib: “Bütün bu planların daxilində süni mühit və mənzil tədbirləri olduqca üstünlük təşkil edir və əsas rol oynayır. Dünyada getdikcə daha çox sayda şəhər uzunmüddətli perspektivdə xalis sıfır (net-zero) tullantıya nail olmaq üçün hədəflər müəyyən edərək öz öhdəliklərini daha da irəli aparırlar. Bunların arasında dünyanın 52 ölkəsindən 145 şəhər Şəhər Keçidi Missiyasına (Urban Transition Mission) qoşulub və şəhər keçidini həyata keçirmək üçün sistemli tədbirlərə prioritet vermək məqsədilə hökumət səviyyələrində qərar qəbul edənləri səfərbər etmək işində səylərə qoşulublar”.
Onun sözlərinə görə, bina və tikinti sektoru qlobal CO2 emissiyalarının təxminən 37 faizinə, enerji istehlakının isə 28 faizinə cavabdehdir.
