Son Xəbərlər
Mayın 17-də Bakı Ekspo Mərkəzində 17-ci Azərbaycan Beynəlxalq "Kənd
Tərəfdaşlar Ukraynanı Rusiya ilə danışıqlara sövq etmirlər. Bunu Ukrayna
Azərbaycanda yeni tədris ilində iki yeni universitetin açılması qəbul
Hərbi Hava Qüvvələrinin komandanı vəzifəsinə yeni təyinat olub.
Mayın 26-da II və III ixtisas qrupları üzrə imtahan keçiriləcək. Qırx altı
Xəbər verdiyimiz kimi, 15-17 may tarixlərində Bakı Ekspo Mərkəzində sayca
Cari ilin 17 may tarixində Türkiyə Respublikasının Ankara şəhərində Türkiyənin
Ölkənin lider telekommunikasiya şirkəti 10 tələbəyə şirkətdə yay təcrübə
Kənd Təsərrüfatı Nazirliyi Əkinçilik Elmi-Tədqiqat İnstitutu (ƏETİ) və
Ümumi (9 illik) orta təhsil səviyyəsi üzrə 2024-cü il aprelin 21-də keçirilən
banner

Fermerlər üçün maarifləndirici tədbir keçirilib

04 avq 2023, 15:03
Fermerlər üçün maarifləndirici tədbir keçirilib

Biləsuvar rayonunda “Şoran, şorəkət və duzlu torpaqlarda qeyri-ənənəvi bitkilərin becərilməsinin əhəmiyyəti” mövzusunda seminar keçirilib

Kənd Təsərrüfatı Nazirliyi, Biləsuvar Rayon İcra Hakimiyyəti və Dövlət Aqrar İnkişaf Mərkəzinin təşkilatçılığı ilə “Şoran, şorəkət və duzlu torpaqlarda qeyri-ənənəvi bitkilərin becərilməsinin əhəmiyyəti” mövzusuna həsr edilən seminar keçirilib.

Seminarda Kənd Təsərrüfatı Nazirliyi yanında Aqrar Xidmətlər Agentliyinin məsul əməkdaşı Şükür Əhmədov, Biləsuvar DAİM-in direktoru Nurəddin Quliyev, ƏETİ-nin direktor müavini Şikar Əhmədov, laboratoriya müdiri Sevil Abbasquliyeva, bir qrup fermer və toxumçuluqla məşğul olan sahibkarlar iştirak edib.

Seminar zamanı bu bitkilərin gələcəkdə rayonda becərilməsinin ərzaq istehsalı və heyvandarlığın yem bazasının möhkəmləndirilməsində böyük əhəmiyyəti olacağı vurğulanıb. Mütəxəssislər tərəfindən əkin sahələrinə baxış keçirildikdən sonra bu bitkilərin unundan hazırlanmış çörək dequstasiya olunub.

Qeyd edək ki, Kənd Təsərrüfatı Nazirliyinin Əkinçilik Elmi-Tədqiqat İnstitutu (ƏETİ) uzun müddətdir ki, şoran, şorəkət və duzlu torpaqların yaxşılaşdırılması, səhralaşmanın qarşısının alınması istiqamətində genişmiqyaslı elmi-tədqiqat işləri aparır.

Bölgələrdə duzadavamlı bitkilərin hərtərəfli öyrənilməsi məqsədilə aparılan tədqiqatlar aqrar sahə mütəxəssisləri və fermerlərin diqqət mərkəzindədir. Bu baxımdan Biləsuvar Rayon İcra Hakimiyyətinin başçısı Faiq Qürbətov tərəfindən Kənd Təsərrüfatı Nazirliyinə ünvanlanan rəsmi müraciətindən sonra Biləsuvar rayonunda “Aqropark Yaşıl Ada” kompleksində duzlu,  şoran və şorəkət torpaqlarda yüksək və keyfiyyətli məhsul verərək həm də torpaqların yaxşılaşdırılması, qiymətli ərzaq, yem və təbii texniki vasitə kimi qiymətləndirilən və bu məqsədlə becərilən kinoa və amarant bitkisi (2 növ) əkilib.