Son Xəbərlər
Azərbaycan Respublikasının Dini Qurumlarla İş üzrə Dövlət Komitəsinin və
Bu hadisə baş verərsə ilk olaraq nə etməli və həkimə nə zaman gedilməlidir?
Avropa Birliyi banklarından dondurulmuş Rusiya aktivlərinin
Bu ilin yanvar-aprel aylarında Azərbaycandakı 17 sığorta şirkətinin xətti
Göyərtilər süfrəmizin ayrılmaz hissəsidir. Həm də çeşid zənginliyinə görə
1895-ci il fevralın 9-da ABŞ-ın Massaçusets ştatının Holyok şəhərində Xristian
Mayın 22-də Azərbaycanda müşahidə ediləcək hava şəraiti açıqlanıb. Bu barədə
Mədəniyyət Nazirliyinin İncəsənət və qeyri-maddi irs şöbəsinin Teatr sektoruna
Boşanan ailələrin sayının gündən-günə artması dövrümüzün qlobal probleminə
Azərbaycan Prezidenti İlham Əliyev mayın 21-də Özbəkistanın investisiya,
banner

DYP məktəbli ekskursiyalarının təşkili ilə bağlı müraciət edib

10 iyn 2023, 10:00
DYP məktəbli ekskursiyalarının təşkili ilə bağlı müraciət edib

Baş Dövlət Yol Polisi İdarəsi məktəbli ekskursiyalarının təşkili ilə bağlı məlumat yayıb.

İdarədən daxil olan məlumatda deyilir:

“Tədris ilinin sonunda məktəblilərin ekskursiyalara, yaxud istirahət zonalarına aparılması hallarının sayı artmaqdadır.

Lakin, təəssüf ki, belə səfərlər adətən qeyri-müntəzəm sərnişin daşıma fəaliyyəti göstərən və ya təsadüfi şəxslərlə şifahi sövdələşmə əsasında həyata keçirilir ki, bu zaman nəqliyyat vasitəsinin texniki sazlığı, sürücünün peşəkarlıq və sağlamlıq vəziyyəti, avtomobil idarə etmək hüququnun olub-olmaması, ümumiyyətlə qanunvericilikdə nəzərdə tutulmuş bir sıra tələblər nəzərə alınmır.

Qeyd olunan səbəblərdən baş verə biləcək xoşagəlməz halların qarşısının alınması üçün təhsil müəssisələrinin rəhbərliyinə, eləcə də azyaşlıların ekskursiyasını fərdi qaydada təşkil edən şəxslərə belə səfərləri yalnız ixtisaslaşmış qurumlar vasitəsilə həyata keçirmək tövsiyə olunur.

Eyni zamanda, avtobus və mikroavtobus sahiblərinin və sürücülərinin nəzərinə çatdırılır ki, respublikanın avtomobil yollarında ayrı-ayrı şəxslərin təşəbbüsü ilə uşaq qruplarının qanunvericiliyin tələbləri pozulmaqla daşınması halları aşkar olunduqda həmin nəqliyyat vasitələrinin hərəkəti qadağan edilməklə sürücüləri inzibati məsuliyyətə cəlb ediləcəkdir.

Ümidvarıq ki, valideynlər də tövsiyələri nəzərə alaraq, səyahətlər zamanı övladlarının təhlükəsizliyinə daha çox diqqət ayıracaqlar”.