"Real"ın yarımmüdafiəçisi Federiko Valverde "Vilyarreal"ın futbolçusu Aleks Baenaya hücum etdiyi üçün sərt qaydada cəzalandırıla bilər.
LiderXəbər xarici mətbuata istinadən xəbər verir ki, uruqvaylı yarımmüdafiəçinin La Liqanın 28-ci turunda “Vilyarreal”la matçdan sonra rəqibin oyunçusu Aleks Baenanı vurmuşdu. 24 yaşlı futbolçunun hərəkəti ilə bağlı iş İspaniya Kral Futbol Federasiyasının İdman Yarışları Komitəsinə verilib. Bildirilir ki, Valverde minimum 4, maksimum isə 12 matçlıq diskvalifikasiya cəzası alacaq.
Xatırladaq ki, Baena Valverdeyə qarşı polisə şikayət etmək, ifadə yazmaq qərarına gəlib.
