Bütün idman növlərində maddi-texniki baza vacib rol oynayır. Çünki təminatı yüksək səviyyədə təşkil edilən bazada hazırlıq keçən idmançılar yarışlarda yüksək nəticə verirlər.
LiderXəbər xəbər verir ki, Sumqayıtda yeni istifadəyə verilən Qızıl Əlcək İdman Klubununun boks zalı da bu məqsədə xidmət edir. Məşqlər peşəkar boksçu Xəqani Əliyev tərəfindən keçirilir.
Zalda dəri əlcək ustalarının yaxşı məşq etməsi üçün bütün imkanlar yaradılıb. Burada fəaliyyət göstərən trenajor zalı idmançıların yerində fiziki hazırlıqla məşğul olmasına şərait yaradacaq.
Zalın açılışı Sumqayıtda boks növü üzrə kütləviliyə nail olmağa, eyni zamanda bacarıqlı idmançıları yetişdirməyə imkan verəcək.
Qeyd edək ki, məşqlərə 6-50 yaş arası insanlar qatıla bilər. Məşqlər şəhid övladları və qazilər üçün tamamilə pulsuz keçirilir.
