“Real” 2024-cü ildə transferlə Madrid klubuna keçəcəyi təqdirdə PSJ-nin hücumçusu Kilian Mbappeyə imza bonusu təklif etməyə hazırdır.
Liderxəbər xəbərinə görə, bu barədə “The Athletic” məlumat yayıb.
Mənbənin sözlərinə görə, Mbappenin bu yay "Real Madrid"ə keçəcəyi ehtimalı azdır. Madrid klubu fransalının komandaya pulsuz qoşulacağı təqdirdə ona 130 milyon avro mükafat verməyə hazırdır.
Daha əvvəl "Liverpul"un Mbappe uğrunda mübarizəyə qoşulduğu bildirilirdi.
Eyni zamanda Mbappenin 2025-ci ilə qədər PSJ ilə müqaviləsinin avtomatik uzadılması variantını aktivləşdirməyəcəyi bildirilib. Hücumçunun klubla müqaviləsi 2024-cü ilə qədərdir. Fransız futbolçu ötən mövsüm bütün turnirlərdə 43 oyuna çıxıb, 41 qol vurub və 10 məhsuldar ötürmə edib.
