Avropa İttifaqı Rusiya vətəndaşlarına viza verilməsi ilə bağlı mövqeyini sərtləşdirməyə hazırlaşır.
Liderxeber.az xəbər verir ki, bu barədə “Politico” qəzeti Avropa Komissiyasının nümayəndəsinə istinadən məlumat yayıb.
Bildirilib ki, ilin sonuna qədər Aİ tərkibinə daxil olan ölkələr üçün ruslara vizaların verilməsi ilə bağlı daha sərt tövsiyələri özündə əks etdirən yeni sənədlər dərc edəcək.
Lakin qeyd edilib ki, vizaların verilməsi Aİ-yə üzv ölkələrin səlahiyyətində olduğu üçün, Avropa Komissiyası Rusiya vətəndaşlarının bloka daxil olmasına tam qadağa qoya bilməz.
