İnsan skeletinə bənzər sümük fraqmentlərinin aşkar edilməsi faktı ilə bağlı araşdırma aparılır.
Bu barədə Liderxeber.az-ın sorğusuna cavab olaraq Baş Prokurorluğun Mətbuat Xidmətindən məlumat verilib.
Bildirilib ki, mayın 25-də Ağdərə rayonu, Sırxavənd kəndi ərazisində insana məxsus olması ehtimal edilən sümük fraqmentlərinin aşkar edilməsi barədə rayon prokurorluğuna məlumat daxil olub:
"Dərhal prokurorluq əməkdaşları tərəfindən kriminalist və ekspertin iştirakı ilə hadisə yerinə baxış keçirilmiş, baxış zamanı aşkar olunmuş sümük qalıqları ekspertiza və laborator müayinələrin aparılması məqsədilə müvafiq qaydada götürülüb, eləcə də digər zəruri prosessual hərəkətlər yerinə yetirilib.
Faktla bağlı Ağdam Rayon Prokurorluğunda araşdırma aparılır", - deyə məlumatda bildirilir.
Ağdərə rayonunda skelet qalıqları aşkarlanıb.
Liderxeber.az-ın məlumatına görə, qalıqlar rayonun Sırxavənd kəndi ərazisində tapılıb. Hüquq-mühafizə orqanları əməkdaşları əraziyə cəlb olunub və skelet qalıqları götürülüb.
Faktla bağlı araşdırma aparılır.
