Son Xəbərlər
Bu ilin yanvarın 1-nə Azərbaycan Dövlət Neft Fondunun (ARDNF) qızıl
Ursula fon der Lyayen növbəti beşillik müddətə Avropa Komissiyasının (AK)
Hər bir sahədə olduğu kimi, turizmdə də uğur qazanmaq, bu sahəni inkişaf
Çin elmi tədqiqat qrupu xərçəngin patoloji görüntülərini ətraflı oxuya bilən
Dövlət Turizm Agentliyinin dəstəyi ilə Azərbaycan Hotel Assosiasiyası
Rəqəmsal İnkişaf və Nəqliyyat Nazirliyinə məxsus “Aztelekom" və
İdmanla məşğul olun. Gündə 1 kilometr piyada gəzmək və ya həftədə 3 dəfə
Azərbaycan Prezidenti İlham Əliyev iyulun 18-də Oksfordda qarşı tərəfin
Cari ilin yanvar-iyun aylarında Azərbaycan İtaliyaya 2 721 313.95 min ABŞ
banner

Rəsmi Bakı: Ermənistanın istinad etdiyi 1975-ci il xəritəsi mövcud deyil

11 okt 2023, 15:45
Rəsmi Bakı: Ermənistanın istinad etdiyi 1975-ci il xəritəsi mövcud deyil

Ərazi bütövlüyünə hörmətin və delimitasiyanın hər hansı bir kvadrat kilometr ilə ölçülməsi və ya hər iki tərəfdən indiyə qədər təsdiq olunmamış xəritə əsasında müəyyən edilməsi təcrübəsinin mövcud olmadığı bir şəraitdə Ermənistan baş nazirinin yenidən bu məsələlərə istinad etməsi təəccüblüdür.

LiderXəbər xəbər verir ki, bu barədə Xarici İşlər Nazirliyinin Ermənistanın baş naziri Nikol Paşinyanın Birinci Kanala müsahibəsi zamanı səsləndirdiyi iddialara dair şərhində bildirilib.

Qeyd edilib ki, keçmiş SSRİ dövründə bölgəmiz üzrə müxtəlif dövrlərdə bir sıra xəritələrin hazırlandığını, bu xəritələrdən heç də hamısının xəritələri təsdiqləyən hüquqi sənədlərə əsaslanmadığı məlumdur: “Ermənistan tərəfindən istinad edilən 1975-ci il xəritəsinə gəldikdə, belə bir xəritənin mövcud olmadığı, 1973-1986-cı illərdə bir sıra xəritələrin müxtəlif vaxtlarda hazırlandığını bir daha diqqətə çatdırmaq istərdik. Ümumilikdə, təcrübəyə əsasən delimitasiya prosesi yalnız xəritələrə əsaslanmaqla həyata keçirilmir, bu xəritələrin istinad mənbəyi olması üçün onlar beynəlxalq hüquqi sənədlərə söykənməli, o cümlədən hər iki ölkə tərəfindən hansısa formada təsdiqlənməlidir. Ermənistanın ərazi iddiaları səbəbindən bu günədək heç bir qonşusu ilə sərhədlərini delimitasiya etmədiyi bir şəraitdə delimitasiyanın Ermənistanın iddia etdiyi kimi yalnız bir xəritə əsasında edilməsi iddiası heç bir məntiqə sığmır”.