Son Xəbərlər
Ermənistan Xarici İşlər Nazirliyi (XİN) Belarusa etiraz notası göndərib.
Ermənistan ordusunun hərbçisi naməlum şəraitdə aldığı güllə yarasından ölüb.
Prezident İlham Əliyev Qurban bayramı münasibətilə Azərbaycan xalqını təbrik
Müdafiə naziri general-polkovnik Zakir Həsənov Azərbaycanda səfərdə olan Çin
Rusiya Prezidenti Vladimir Putin yaxın dəqiqələrdə ölkənin Xarici İşlər
Əhalinin banklardakı əmanətlərinin məbləği il ərzində 10,5 faiz artaraq
Sabahdan Azərbaycanda bayram tətili başlayır. Liderxeber.az xəbər verir ki, 15
“Qarabağ”ın yeni qapıçısının transferi üçün ödədiyi məbləğ bəlli olub.
İqtisadiyyat Nazirliyi yanında Əmlak Məsələləri Dövlət Xidməti “Bakı Mərmər
banner

Bir sıra tibb müəssisələrinə yeni direktorlar təyin olunub

17 mar 2023, 11:38
Bir sıra tibb müəssisələrinə yeni direktorlar təyin olunub

Tibbi Ərazi Bölmələrini İdarəetmə Birliyinin (TƏBİB) tabeliyindəki tibb müəssisələrində xidmət keyfiyyətinin yüksəldilməsi, strukturun və idarəetmənin təkmilləşdirilməsi davam etdirilir.

TƏBİB-dən verilən xəbərə görə, TƏBİB-in İcraçı direktoru Vüqar Qurbanovun müvafiq əmrləri ilə TƏBİB-in tabeliyindəki bir sıra tibb müəssisələrinə yeni direktorlar təyin olunub.

Nizami Tibb Mərkəzinin direktoru vəzifəsinə həkim-terapevt Eldar Abbasov, Suraxanı Tibb Mərkəzinin direktoru vəzifəsinə həkim-oftalmoloq Aybəniz Saniyeva, Şabran Rayon Mərkəzi Xəstəxanasının direktoru vəzifəsinə həkim-radioloq Səxavət Cəbrayılov, Naftalan Şəhər Mərkəzi Xəstəxanasının direktoru vəzifəsinə həkim-uroloq Samir Allahverdiyev təyin olunublar. Onların hər biri səhiyyə idarəetməsində uzun müddət təcrübəsi olan tanınmış mütəxəssislərdir.

Ötən gün Vüqar Qurbanov TƏBİB-də yeni təyinat alan direktorları qəbul edib.

Görüşdə TƏBİB-in İcraçı direktoru tibb müəssisələrində xidmət keyfiyyətinin daha da yaxşılaşdırılması, icbari tibbi sığortadan yararlanan vətəndaşların məmnunluq dərəcəsinin artırılması, həmçinin xəstəxanalarda mövcud nöqsan və çatışmazlıqların qısa müddət ərzində aradan qaldırılması istiqamətində müvafiq tapşırıqlar verib.

V.Qurbanov tibb personalının əməyinin stimullaşdırılması, cəmiyyətdə həkim nüfuzunun yüksəldilməsi və həkim adına xələl gətirən halların aradan qaldırılması üçün ardıcıl işlərin görülməsinin vacibliyini diqqətə çatdırıb.

Çıxış edən müəssisə rəhbərləri göstərilmiş etimada görə öz təşəkkürlərini bildirib, qarşıya qoyulan tapşırıqların qısa zaman ərzində icra ediləcəyini qeyd ediblər.