Son Xəbərlər
Tərtər Rayon İcra hakimiyyətinin və Qərbi Azərbaycan İcmasının təşkilatçılığı
Futbol üzrə Avropa çempionatının I turunda üz-üzə gələn Macarıstan və İsveçrə
Yaponiyada 48 saat ərzində insanı öldürə bilən nadir “ət yeyən bakteriya”nın
“Sədərək” ticarət mərkəzində yanğın baş verib. Bu barədə Liderxeber.az -a
ABŞ Dövlət Departamenti ölkə ərazisində 10 il yaşayan qeyri-leqal miqrantlara
Ələt-Astara yolunda "Kia Optima" markalı avtomobil yanıb. Bu barədə
Yeni tədris ili üçün Bakı Dövlət Universitetinə (BDU) qəbul planı açıqlanıb.
Xocalı rayonu ərazisində aşkar olunmuş "2K11 Kruq" zenit-raket
Hər bir fəsildə meyvələrin insan orqanizmi üçün faydaları mühüm və fərqlidir.
İyunun 16-da gözlənilən hava şəraiti açıqlanıb. Milli Hidrometeorologiya
banner

SN: Azərbaycanda İİV-ə yoluxanların sayının 2 dəfə azalmasına nail olunub

27 fev 2024, 11:23
SN: Azərbaycanda İİV-ə yoluxanların sayının 2 dəfə azalmasına nail olunub

Azərbaycanda İİV-in aşkarlandığı ilk illərdə xəstəlik əhalinin risk qruplarına aid xüsusilə də inyeksion narkotik istifadəçiləri arasında geniş yayıldı. Ölkəmizdə risk qrupları ilə aparılan zərərin azaldılması proqramları nəticəsində inyeksion narkotik istifadəçiləri arasında İİV-ə yoluxanların sayının 2 dəfə azalmasına nail olunub.

LiderXəbər xəbər verir ki, bunu Səhiyyə Nazirliyi Respublika QİÇS-lə Mübarizə Mərkəzinin şöbə müdiri Səbuhi Əliyev bildirib.

“Səhiyyə Nazirliyi Respublika QİÇS-lə Mübarizə Mərkəzinin risk qrupları arasında həyata keçirdiyi məqsədli fəaliyyəti sayəsində Azərbaycanda epidemiyanı təmərküzləşmiş səviyyədə və daxil olduğumuz Şərqi Avropa və Mərkəzi Asiya regionunun ölkələri arasında son yerlərdə saxlamaq mümkün olub. Eyni zamanda, Səhiyyə Nazirliyinin dəstəyi nəticəsində İİV üzrə göstəricilərdən asılı olmayaraq, xəstəyə yoluxmanın aşkarlandığı vaxtdan, antiretrovirus terapiya proqramına cəlb olunması üçün təminat təşkil olunub” – o qeyd edib.

Şöbə müdiri qeyd edib ki, Səhiyyə Nazirliyinin müvafiq əmrilə respublikada stasionar Könüllü müayinə və məsləhətləşmə məntəqələri şəbəkəsi yaradılıb:

“Könüllü müayinə və məsləhətləşmə məntəqələri stasionar və mobil şəkildə təşkil edilib. Bu strukturlar əhalinin geniş əlçatanlığını nəzərə alaraq, ambulator poliklinika tipli müəssisələrdə şəxsin dini, irqi, milliyəti və sosial-iqtisadi vəziyyətindən asılı olmayaraq, ona İİV-lə bağlı məlumatı təqdim edir, İİV-ə müayinə aparır və nəticə etibarilə müvafiq tövsiyələr verir. Xidmət anonim formada də aparılır. Burada məqsəd erkən aşkarlama və maarifləndirməyə xidmət edir. Bununla yanaşı, eyni məqsədlə respublikada mobil Könüllü müayinə və məsləhətləşmə məntəqələri şəbəkəsi də fəaliyyət göstərir.

Ümumilikdə 12 mini avtobus bazasında yaradılaraq, müxtəlif marşrutlarda ixtisaslı Könüllü müayinə və məsləhətləşmə məntəqələri xidməti göstərilir. Mobil şəbəkənin əsas təyinatı, cəmiyyət üçün qapalı olan və yoluxmaya yüksək risk təşkil edən əhali qrup nümayəndələri arasında müayinə və məsləhətləşmənin aparılması məqsədini daşıyır”.