Son Xəbərlər
Ermənistan Xarici İşlər Nazirliyi (XİN) Belarusa etiraz notası göndərib.
Ermənistan ordusunun hərbçisi naməlum şəraitdə aldığı güllə yarasından ölüb.
Prezident İlham Əliyev Qurban bayramı münasibətilə Azərbaycan xalqını təbrik
Müdafiə naziri general-polkovnik Zakir Həsənov Azərbaycanda səfərdə olan Çin
Rusiya Prezidenti Vladimir Putin yaxın dəqiqələrdə ölkənin Xarici İşlər
Əhalinin banklardakı əmanətlərinin məbləği il ərzində 10,5 faiz artaraq
Sabahdan Azərbaycanda bayram tətili başlayır. Liderxeber.az xəbər verir ki, 15
“Qarabağ”ın yeni qapıçısının transferi üçün ödədiyi məbləğ bəlli olub.
İqtisadiyyat Nazirliyi yanında Əmlak Məsələləri Dövlət Xidməti “Bakı Mərmər
banner

“Xəzəri Qoruyaq!” adlı geniş ekoloji hərəkat başa çatdı

18 sen 2023, 16:58
“Xəzəri Qoruyaq!” adlı geniş ekoloji hərəkat başa çatdı

Sentyabrın 16-da Beynəlxalq Sahilyanı Təmizlik Günü çərçivəsində “Xəzəri Qoruyaq!” adlı genişmiqyaslı ekoloji aksiya sona çatıb.
Ölkədə ekoloji durumun yaxşılaşdırılması, əhalinin bu sahədə maarifləndirilməsi və ətraf mühitə məsuliyyətli yanaşma vərdişlərini təbliğ etmək məqsədilə keçirilən son aksiya onlarla dövlət və özəl qurumların əməkdaşlarının könüllü iştirakı ilə Bilgəh çimərliyində baş tutub. 
Sentyabrın 1-dən 16-dək Xəzərin Xaçmaz, Lənkəran, Astara, Şabran, Siyəzən, Neftçala, Sumqayıt çimərliklərini əhatə edib Bakıda yekunlaşan aksiyada 1500 könüllü təxminən 11 hektar ərazini 5 tondan çox tullantıdan təmizləyib.

Layihənin əsas tərəfdaşları Coca-Cola, Ekologiya və Təbii Sərvətlər Nazirliyi, “EcoHub” ekoloji platforması, “Carlsberg Azerbaijan”, “PAŞA Bank”, “Bakcell”, “SOCAR” və “McDonald's” şirkətləridir. 

Coca-Cola şirkətinin Avrasiya ölkələri üzrə İctimaiyyətlə Əlaqələr direktoru Elşad Fərzəliyev bu il hərəkatın miqyasının genişləndiyini vurğulayıb: “Coca-Cola-nın təşəbbüsü ilə başlayan bu hərəkat “Xəzəri Qoruyaq!” şüarı altında minlərlə könüllünün və onlarla tərəfdaşın birgə iştirakı ilə keçirilir. Coca-Colanın Tullantısız Dünya strategiyasına uyğun olaraq bu sahədə tərəfdaşlığı genişləndiririk çünki, ətraf mühiti qorumaq hər birimizin məsuliyyətidir. Çox sevindirici haldır ki, Azərbaycanda sosial və ekoloji məsuliyyəti ilə seçilən bir çox müəssisə və təşkilatlar bu hərəkata qoşulur və dəstək olur. İnanıram ki, hər birimizin səyi nəticəsində ətraf mühitimiz daha təmiz olacaq”.
Öz əməkdaşları və ailə üzvləri ilə kampaniyada fəal iştirak edən təşkilatlar arasında “ASAN Könüllüləri” Təşkilatı, “Təmiz Şəhər” ASC, ABŞ-nin Azərbaycandakı Səfirliyi, Azərbaycan Cüdo Federasiyası, Amerika-Azərbaycan Ticarət Palatası, ADRA, Bakı Beynəlxalq Dəniz Ticarət Limanı, "LU-MUN" Holdinq, Azərbaycan Tələbə Gənclər Təşkilatları İttifaqı, Azərbaycan Skautlar Assosiasiyası, Gənclərin İnkişaf və Karyera Mərkəzi, “ABŞ Təhsilli Azərbaycan Məzunları” İctimai Birliyi, Azərbaycan Jurnalistlər Şəbəkəsi və Azərbaycanlı Tələbələr və Məzunlar Platforması olub. 

Xatırladaq ki, “Xəzəri Qoruyaq!” şüarı ilə keçirilən ekoloji aksiya bütün dünyada qeyd edilən Beynəlxalq Sahilyanı Təmizlik günü çərçivəsində təşkil edilib. 1986-cı ildə təsis edilən Beynəlxalq Sahilyanı Təmizlik Günü dünyanın 100-dən çox ölkəsində qeyd olunur.  Yer kürəsində su hövzələri sahillərinin tullantılardan təmizlənməsinə yönələn ən irimiqyaslı beynəlxalq könüllü hərəkatı Azərbaycanda “Xəzəri qoruyaq!” şüarı ilə artıq 13 ildir ki, iştirak edir. Bu kampaniya çərçivəsində Xəzər dənizinin çimərliklərinin 66 hektardan çox ərazisi təxminən 50 ton məişət tullantısından təmizlənib.