Son Xəbərlər
Mayın 17-də Bakı Ekspo Mərkəzində 17-ci Azərbaycan Beynəlxalq "Kənd
Tərəfdaşlar Ukraynanı Rusiya ilə danışıqlara sövq etmirlər. Bunu Ukrayna
Azərbaycanda yeni tədris ilində iki yeni universitetin açılması qəbul
Hərbi Hava Qüvvələrinin komandanı vəzifəsinə yeni təyinat olub.
Mayın 26-da II və III ixtisas qrupları üzrə imtahan keçiriləcək. Qırx altı
Xəbər verdiyimiz kimi, 15-17 may tarixlərində Bakı Ekspo Mərkəzində sayca
Cari ilin 17 may tarixində Türkiyə Respublikasının Ankara şəhərində Türkiyənin
Ölkənin lider telekommunikasiya şirkəti 10 tələbəyə şirkətdə yay təcrübə
Kənd Təsərrüfatı Nazirliyi Əkinçilik Elmi-Tədqiqat İnstitutu (ƏETİ) və
Ümumi (9 illik) orta təhsil səviyyəsi üzrə 2024-cü il aprelin 21-də keçirilən
banner

Avropa İttifaqına üzv dövlətlərin ərazilərinə getmək vədi ilə aldadılan əcnəbilər saxlanılıb

04 sen 2023, 18:30
Avropa İttifaqına üzv dövlətlərin ərazilərinə getmək vədi ilə aldadılan əcnəbilər saxlanılıb

Dövlət Miqrasiya Xidmətinin (DMX) qanunsuz miqrasiyaya qarşı keçirilmiş tədbirləri zamanı Bakıda müxtəlif ünvanlarda viza müddətindən artıq yaşayan və qanunsuz miqrasiyanı təşkilində iştirak edən 20 əcnəbi saxlanılıb.

DMX-nin mətbuat mərkəzindən LiderXəbər-ə verilən məlumata görə, bu şəxslərdən 18-nin 5-8 min dollar qarşılığında Azərbaycan ərazisindən istifadə etməklə Avropa İttifaqına (Aİ) üzv dövlətlərin ərazisinə daşınılması vədi ilə aldadılaraq ölkə ərazisinə gəlmələrinin təşkili müəyyən olunub. Təşkilatçılar xarici ölkədəki turizm şirkəti vasitəsilə əcnəbilərin asan yolla Avropa İttifaqı ərazisinə daşınılmasına dair təbliğat aparıb. Azərbaycan Respublikasına gəldikdən sonra 18 əcnəbinin sənədlərinin hazırlanmasına inandırmaq məqsədilə pasportlarını alıb, onların pulunu mənimsəyib və əcnəbilərin viza müddətində ölkə ərazisini tərk etmələrinə maneə yaradaraq qanunsuz miqranta çevrilmələrinə şərait yaradıb. Həyata keçirilən tədbirlər nəticəsində qeyd olunan qanunsuz əməlləri törədən iki əcnəbi müəyyənləşdirilərək saxlanılıb. Aşkarlanan hallarla bağlı materiallar hüquqi qiymət verilməsi üçün aidiyyəti hüquq-mühafizə orqanına göndərilib.

Ümumilikdə 2023-cü ilin yanvar-avqust aylarında qanunsuz miqrasiyaya qarşı keçirilən təbirlər zamanı 6306 əcnəbi və vətəndaşlığı olmayan şəxs saxlanılıb. Onların ölkə ərazisində olma və yaşama hüququ verən sənədlər olmadan (qanunsuz) yaşaması, ölkəyə gəlişinin bəyan edilmiş məqsədinə uyğun olmayan fəaliyyətlə məşğul olması, qanunsuz əmək fəaliyyətinə cəlb olunması və ya qeydiyyat ünvanı üzrə yaşamadığı müəyyənləşdirilib. Həmin dövrdə miqrasiya qanunvericiliyini pozan 2331 əcnəbi Azərbaycan Respublikasının hüdudlarından kənara inzibati qaydada çıxarılıb və ölkəyə girişləri qanunla müəyyən edilmiş müddətə məhdudlaşdırılıb, digərlərinin ölkə ərazisində yaşamalarının qanuniləşdirilməsi və ya ölkəni könüllü tərk etmələri təmin olunub. Eyni zamanda, ölkədə olma, yaşama, əcnəbilərin işə cəlb olunması və digər aidiyyəti məsələlərlə bağlı ümumilikdə 15163 inzibati qərar qəbul edilib. Həmçinin qanunsuz miqrasiyanın təşkili və insan alveri ilə bağlı aşkar edilən hallarla bağlı materiallar hüquqi qiymət verilməsi üçün aidiyyəti hüquq-mühafizə orqanına göndərilib.

Vətəndaşlardan qanunsuz miqrasiya halları ilə rastlaşdıqda DMX-nin (012) 919 - Çağrı Mərkəzini məlumatlandırmaları xahiş olunur. Çağrı Mərkəzi həftənin 7 günü 24 saat fəaliyyət göstərir.