Türkiyəli məşhur müğənni Yusuf Güney saxlanılıb.
Liderxeber.az xəbər verir ki, bununla bağlı Türkiyə KİV məlumat yayıb.
Qeyd olunub ki, müğənni narkotik maddələrin istifadəsi və satışı ilə bağlı başladılan əməliyyat çərçivəsində saxlanılıb.
Yusuf Güneyin dindirildikdən və qan nümunəsi götürüldükdən sonra sərbəst buraxılacağı bildirilir.
Xatırladaq ki, daha əvvəl Türkiyədə bir neçə tanınmış şəxs - müğənni Aleyna Tilki, influenser Danla Bilic və aktrisalar - Mümine Senna Yıldız və İrem Sak da saxlanılmış, daha sonra sərbəst buraxılmışdılar.
Əməliyyat çərçivəsində iş adamı Acun Ilıcalının eks-həyat yoldaşı Şeyma Subaşı haqqında da saxlanılma qərarı çıxarılıb. Siyahıda həmçinin model Şevval Şahin, sosial media fenomeni Mert Vidinli və yutuber Cihan Şensözlünün də adı var.
