Türkiyədə İstanbul Respublika Baş Prokurorluğu tərəfindən narkotik və ya stimullaşdırıcı maddə istifadəsi iddiası üzrə başladılan istintaq işi ilə bağlı məxfilik qərarı verilib.
Liderxeber.az-ın "T24"ə istinadən xəbərinə görə, bu barədə istintaq çərçivəsində ifadələrinin və qan nümunələrinin götürülməsinə göstəriş verilən Dilan-Engin Polat cütlüyünün vəkili Sevinç Oraz məlumat verib.
Sevinç Orazın sözlərinə görə, Polat cütlüyünün qan, sidik və saç analizləri təmiz çıxıb.
"Narkotik maddə istifadə etmədiklərinə dair ifadələrimiz, dəlillərimiz sabitdir. Hesabatlar da ortadadır. İfadələr yekunlaşdıqdan sonra sərbəst buraxılacaqlar. Bu, bir saxlanılma deyil, ifadə verməkdir. Dosyedə məxfilik qərarının alındığı bildirilir", - deyə vəkil bildirib.
Türkiyədə İstanbul Jandarma Komandanlığının Narkotiklərlə Mübarizə İdarəsi tərəfindən məşhurlara qarşı narkotikdən istifadəni təşviq etməkdə ittiham üzrə keçirilən əməliyyat üzrə istintaq davam edir.
Liderxeber.az-ın məlumatına görə, istintaq çərçivəsində saxlanılan məşhurlar qan analizi verdikdən və ifadələri alındıqdan sonra sərbəst buraxılacaqlar.
