Türkiyəli məşhur müğənni İrem Derici narkotikdən istifadəni təbliğ etməkdə ittiham edilərək saxlanılıb.
Liderxeber.az xəbər verir ki, bu barədə Türkiyə KİV məlumat yayıb.
Bildirilib ki, İstanbul Respublika Prokurorluğunun başlatdığı istintaq çərçivəsində 38 yaşlı müğənni narkotikdən istifadəni təbliğ etmək ittihamı ilə Şişlidəki evində jandarma qrupları tərəfindən saxlanılıb.
Onun vəkili Ayşegül Mermer məşhur müğənninin saxlanmasını təsdiqləyib.
“İrem Derici ilə aparılan proses çərçivəsində onun ifadəsini almaq üçün jandarma bölməsinə gedirik. Hələlik məsələ ilə bağlı rəsmi məlumat almamışıq. Proses aydınlaşdıqca ictimaiyyətə məlumat veriləcək”, - o qeyd edib.
Son məlumata görə, İstanbulda narkotik istifadəsini təşviq etmək ittihamı ilə əməliyyat keçirilib.
Əməliyyat çərçivəsində daha bir neçə tanınmışın saxlanıldığı bildirilir. Onların arasında Birce Akalay, Simge Sağın, Berrak Tüzünataç, Ceren Moray Orcan, Demet Evgar Babataş, Deren Talu, Derin Talu, Dilan Polat, Engin Polat, Duygu Özaslan Mutaf, Engin Polat, Feyza Altun, Hadise Açıkgöz, İrem Derici, Kaan Yıldırım, Kubilay Aka, Mert Yazıcıoğlu, Metin Akdülger, Özge Özpirinçci, Zeynep Meriç Aral Keskin, Ziynet Sali də var.
