Bolqarıstan Sənaye Kapitalı Assosiasiyası ilə Azərbaycan Respublikası Sahibkarlar (İşəgötürənlər) Təşkilatları Milli Konfederasiyası arasında anlaşma memorandumu imzalanıb.
Memorandumu Assosiasiyanın İdarə Heyətinin üzvü Kiril Jelyazkov və Konfederasiyanın prezidenti Məmməd Musayev imzalayıb.
Sənədə əsasən, iqtisadi əlaqələrin genişləndirilməsi üçün qurumlar arasında birgə əməkdaşlıq, hər iki ölkədə mövcud olan investisiya layihələri, təlimlər, biznes missiyalar, sərgilər və s. haqqında məlumatlar bölüşüləcək, biznes səfərlər təşkil ediləcək, qarşılıqlı maraq doğuran layihələrin birgə işlənməsi həyata keçiriləcəkdir.
