Son Xəbərlər
Bu ilin I yarısında İqtisadiyyat Nazirliyi yanında Dövlət Vergi Xidməti 17,5
Qazaxıstan Respublikasında keçirilən "Birləşdik - 2024" beynəlxalq
Polikistik yumurtalıq sindromuna hər 5 qadından birində rast gəlinir. O da
Bu gündən "Azərbaycan Hava Yolları" QSC Bakıdan Füzuliyə müntəzəm
Prezident İlham Əliyev Cəbrayıl, Qubadlı və Zəngilan rayonlarındakı xüsusi
Xəbər verdiyimiz kimi iyulun 17-də Yeni Azərbaycan Partiyasının (YAP) İdarə
Avropa İttifaqının (Aİ) Siyasi və Təhlükəsizlik Komitəsi təşkilatın Cənubi
Baş prokuror yanında Korrupsiyaya qarşı Mübarizə Baş İdarəsinin əməliyyat
İşğaldan azad edilən Azərbaycan ərazilərində 1 170 000 kvadratmetrdən çox sahə
Xüsusi Rabitə və İnformasiya Təhlükəsizliyi Dövlət Xidmətindən informasiya
banner

Coca-Cola-nın dəstəyi ilə ekoloji aksiya keçirilib

02 may 2024, 15:23
Coca-Cola-nın dəstəyi ilə ekoloji aksiya keçirilib

Coca-Cola Azərbaycan 22 Aprel – Yer Günündə “Hilton Baku” otelinin təşkilatçılığı və digər tərəfdaşların iştirakı ilə Bakının Bilgəh çimərliyinin ərazisinin məişət tullantılarından təmizlənməsinə dəstək olub. 
 
Davamlı gələcək, hamı üçün daha təmiz, daha sağlam mühit yaratmaq və təbiətə faydalı olmaq məqsədilə keçirilən aksiyanın şüarı “Bizim B Planetimiz yoxdur!” olub. Aksiyada çimərlik ərazisindən müxtəlif növ tullantılar toplanılıb. 
 
Coca-Cola bundan əlavə Azərbaycanda “Xəzəri qoruyaq!” şüarı ilə artıq 13 ildir ki sahilyanı təmizlik aksiyası da həyata keçirir.  Həmin aksiya bütün dünyada qeyd edilən Beynəlxalq Sahilyanı Təmizlik günü çərçivəsində hər il sentyabr ayında təşkil edilir. Bu aksiya çərçivəsində Xəzər dənizinin çimərliklərinin 66 hektardan çox ərazisi təxminən 50 ton məişət tullantısından təmizlənib. 
 
Şirkət özünün “Tullantısız Dünya” proqramı çərçivəsində Azərbaycanda plastik tullantıların toplanması və təkrar emalını təşviq edən “HORECA Collection”, “Sıfır Tullantı”, “Təmiz Ölkəm” kimi layihələri də həyata keçirir.  “Tullantısız Dünya” proqramı çərçivəsində Coca-Cola 2030-cu ilə qədər bazara çıxardığı bütün qablaşdırmaları toplayıb təkrar emal etməyi hədəfləyir.
 
Xatırladaq ki, Coca-Cola 200-dən çox ölkədə sərinləşdirici içki məhsulların istehsalı və satışını həyata keçirən qlobal içki şirkətidir və məqsədi dünya istehlakçılarını təravətləndirmək və cəmiyyətdə fərqlilik yaratmaqdır. Şirkət Azərbaycandakı fəaliyyətinə 1994-cü ildə Türkiyənin beynəlxalq içki istehsalı şirkəti olan “Coca-Cola İçecek”in tərkib hissəsi olaraq “Azerbaijan Coca-Cola Bottlers”ın  yaradılması ilə başlayıb və o vaxtdan bəri Coca-Cola, Fanta, Sprite, Bonaqua, Cappy və Fuse Tea kimi məşhur sərinləşdirici içki markalarının istehsalı və satışı ilə məşğuldur. 400-ə yaxın işçisi olan Coca-Cola Azərbaycan eyni zamanda təchizat zənciri vasitəsilə 5000-dən çox iş yerini dəstəkləyir. Şirkət tullantıların azaldılması, su ehtiyatlarının qorunması, qadın və gənclərin iqtisadi imkanlarının artırılması məqsədi ilə icma layihələrinə 3 milyon dollardan çox sərmayə yatırıb.