Avropa İttifaqı (Aİ) yalnız bərpa olunan enerjinin köməyi ilə enerji müstəqilliyinə nail ola biləcək.
LiderXəbər "Report"a istinadən xəbər verir ki, bunu Münxen Təhlükəsizlik Konfransında Avropa Komissiyasının icraçı vitse-prezidenti Frans Timmermans deyib.
Onun sözlərinə görə, Aİ-də "çox az qaz, çox az kömür və neft qalıb".
"Biz bərpa olunan enerjiyə keçidimizi sürətləndiririk, çünki Avropada alternativimiz yoxdur. Enerji sektorunda əldə edə biləcəyimiz yeganə suverenlik bərpa olunan enerjinin artırılmasıdır", - F.Timmermans bildirib.
