Son Xəbərlər
Ölkənin lider telekommunikasiya şirkəti 10 tələbəyə şirkətdə yay təcrübə
Kənd Təsərrüfatı Nazirliyi Əkinçilik Elmi-Tədqiqat İnstitutu (ƏETİ) və
Ümumi (9 illik) orta təhsil səviyyəsi üzrə 2024-cü il aprelin 21-də keçirilən
Moskvada keçirilən gənc populyar musiqi ifaçılarının Beynəlxalq “Yeni dalğa
Azərbaycan Dövlət Akademik Milli Dram Teatrında yeni səhnə əsərinin -
"Azerspace-1" peyki vasitəsilə yayımlanan radiokanalların sayı 24-ə
Azərbaycanda məhkəmələrdə ümumilikdə 616 hakim fəaliyyət göstərir, onlardan
Dövlət İmtahan Mərkəzi ali təhsil müəssisələrinin magistraturalarına aprelin
Nepallı alpinist Kami Rita 29-cu dəfə Everesti fəth edərək, dağa uğurlu qalxma
Mayın 17-də Azərbaycan Respublikasının Prezidenti İlham Əliyev və Belarus
banner

Qazaxıstan Bakı-Supsa kəməri ilə 3 mln. tonadək nefti nəql etmək marağındadır

16 yan 2024, 17:36
Qazaxıstan Bakı-Supsa kəməri ilə 3 mln. tonadək nefti nəql etmək marağındadır

Qazaxıstan Azərbaycanla Bakı-Supsa kəməri vasitəsilə neftin nəqli barəsində danışıqlar aparır.

LiderXəbər-in “İnterfax-Qazaxıstan”a istinadən verdiyi məlumata görə, bu barədə Qazaxıstanın Energetika Nazirliyindən bildirilib.

Qeyd olunub ki, Qazaxıstan tərəfi Azərbaycanla Bakı-Supsa vasitəsilə ildə 3 mln. tona qədər neft nəql etmək barədə damışıqlar aparır.

Xatırladaq ki, hazırda Azərbaycan tərəfi Bakı-Supsa kəmərində demək olar ki, istifadə etmir. Kəmərin fəaliyyəti tam dondurulmayıb, hazır vəziyyətdədir və istənilən an istifadə oluna bilər. Bu kəmər ilə neft bir ay öncədən təqdim olunan sifarişlər əsasında (sifarişlərin olduğu halda – red.) həyata keçirilir.

Bundan başqa, Qazaxıstanın Energetika Nazirliyi onu da bildirib ki, Qazaxıstan 2024-cü ildə Bakı-Tbilisi-Ceyhan kəməri (BTC) ilə 2023-cü ildə olduğu qədər - 1,5 mln. ton neft nəql etməyi planlaşdırır.

Onu da xatırlatmaq lazımdır ki, “Kaztransoil” şirkətinin məlumatına görə, ötən il Qazaxıstan neftinin Aktau limanından ixracı 3 mln. 376 min ton təşkil edib ki, bu da 2022-ci ilin göstəricisi ilə müqayisədə 1 mln. 108 min ton və ya 49%-ə yaxın çoxdur.

Qazaxıstan neftinin Aktau limanından ixrac üçün nəqlinin həcminin artması Bakı limanı istiqaməti üzrə daşınan xammalın həcminin 205 min tondan 1 mln. 392 min tona, yəni 2022-ci ilin göstəricisi ilə müqayisədə 5,5 dəfə artması ilə bağlıdır. O cümlədən, Bakı limanı istiqaməti üzrə “Tengiz” yatağından 1 mln. 057 min ton neft göndərilib.

Əlavə edək ki, 2022-ci ildə Qazaxıstan Prezidenti Kasım-Jomart Tokayev Transxəzər dəhlizi ilə neft nəqlinin artırılması barədə göstəriş verib. Bu göstərişə uyğun olaraq, “KazMunayQaz” və SOCAR arasında “Tengiz” yatağından hasil edilən, Bakı-Tbilisi-Ceyhan kəməri istiqamətində ildə 1,5 mln. ton neftin nəqlini nəzərdə tutan saziş imzalanıb.