Türkiyədə prezidentliyə namizədlərin ərizələrinin qəbulu 19 martda başlayacaq.
Liderxəbər xəbər verir ki, bu barədə Türkiyə Yüksək Seçim Qurumunun (YSK) qərarında deyilir.
Qeyd olunub ki, namizədlərin siyahısı 31 martda “Resmi Gazete”də dərc olunacaq.
Həmçinin o da əlavə olunub ki, namizədlərin ərizələrinin qəbulu prosesinin 23 martda başa çatdırılması planlaşdırılıb və namizədlərin siyahısı dərc olunandan sonra onlar təşviqat kampaniyasına başlaya biləcəklər.
Xatırladaq ki, Türkiyə Prezidenti Rəcəb Tayyib Ərdoğan prezident və parlament seçkilərinin 14 mayda keçirilməsi ilə bağlı sərəncamı 10 mart tarixində imzalayıb və YSK tərəfindən təsdiq edilib.
