Yediyiniz və içdiyiniz qidalar allergiya simptomlarını azaltmağa kömək edə bilər.
Liderxeber.az ferra.ru-ya istinadən xəbər verir ki, xüsusilə bu məhsullara diqqət yetirmək tövsiyə olunur:
Zəncəfil – antioksidant və iltihabəleyhinə xüsusiyyətlərə malikdir.
Yerli bal – orqanizmin polenə qarşı davamlılığını artırmağa kömək edə bilər, lakin bu təsir elmi cəhətdən tam sübut olunmayıb.
Sitrus meyvələri (portağal, mandarin, limon, laym) – C vitamini baxımından zəngindir və allergik rinitin simptomlarını azalda bilər.
Soğan – tərkibindəki antioksidantlar antihistamin təsir göstərir və allergiya əlamətlərini yüngülləşdirə bilər.
Kivi – C vitamini və digər faydalı minerallarla zəngindir.
Ananas – tərkibindəki bromelayn fermenti allergik astmaya kömək edə bilər.
Pomidor – iltihab əleyhinə təsir göstərən likopen ehtiva edir.
Somon və digər yağlı balıqlar – iltihabı azaldan omeqa-3 yağ turşuları ilə zəngindir.
Kefir – heyvanlar üzərində aparılan tədqiqatlar onun allergiyaya qarşı təsirini sübut edib.
Zərdəçal – siçanlar üzərində aparılan araşdırmalar onun allergik reaksiyaları azaltdığını göstərib.
Yaşıl çay – tərkibindəki maddələr allergiyaya qarşı təsir göstərə bilər.
Bu qidaları rasionunuza daxil edərək allergiya simptomlarını yüngülləşdirmək mümkündür.
