Alimlər bu yaxınlarda gecə növbəsi işinin, yuxunun və epilepsiya riskinin əlaqəli olduğunu müəyyən ediblər. Çinli həkim Xiushuai Donq və həmkarları bu məsələni araşdırıblar.
Liderxeber.az xəbər verir ki, nəticələr BMC Public Health jurnalında dərc olunub.
Mütəxəssislər Britaniya Biobankından epilepsiya xəstəsi və epilepsiya olmayan 270 min insanın məlumatlarını analiz ediblər. İştirakçılar 13,5 il müddətində izlənilib. Alimlər gecə növbəsində işləmək və daha yüksək epilepsiya riski arasında- əlaqə tapıblar. Müntəzəm olaraq gecə işləyən insanlar arasında risk ən yüksək olub (risk nisbəti 1,29).
Epilepsiya inkişafının daha yüksək olması yuxu müddətinin (gündə yeddi saatdan az və ya səkkiz saatdan çox olması), tez-tez yuxusuzluq və gündüz yuxululuğu ilə əlaqələndirilib (təhlükə nisbəti müvafiq olaraq 1,19, 1,19 və 1,46).
Yuxuya sərf olunan vaxt və epilepsiya arasında U formalı bir əlaqə olduğu müşahidə edilib.
