“Məktəblərin isidilməsi üçün əlavə maliyyə vəsaitinə ehtiyac var”.
Liderxeber.az xəbər verir ki, bunu Ombudsman Səbinə Əliyeva Milli Məclisin Hüquq siyasət və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları, Regional məsələlər komitələlərinin birgə iclasında 2025-ci ilin büdcə müzakirələri zamanı deyib.
“Respublikamızın bir sıra bölgələrində soyuqların daha tez düşməsi nəticəsində orta məktəblərin, məktəbəqədər təhsil və digər uşaq müəssisələr soyuq olur. Bu isə uşaqlar arasında xəstəliyin artmasına, eyni zamanda şagirdlərin məktəblərdən yayınmasına səbəb olur.
Bunları nəzərə alaraq, həmin uşaq müəssisələrində qış və yay mövsümünə keçidin 15 noyabr -15 aprel tarixləri üzrə deyil, havanın temperaturuna uyğun tətbiq edilməsi və bu məqsədlə qış mövsümündə məktəblərin isidilməsi üçün əlavə maliyyə vəsaitinin ayrılmasına böyük ehtiyac var”, - deyə S.Əliyeva bildirib.
***
S.Əliyeva əlvə edib ki, uşaq bağçalarında qida normaları müasir standartlara uyğun olmalıdır.
***
Ombudsman, eyni zamanda regionlarda hələ də qəzalı vəziyyətdə olan məktəblərin, uşaq bağçaları və körpələr evlərinin yenidən qurulması və ya əsaslı təmir edilməsi üzrə fəaliyyətin genişləndirilməsini təklif edib:
“Həmçinin dövlət ali və orta ixtisas təhsili müəssisələrində dövlət sifarişli yerlərin sayının artırılması, ehtiyaca uyğun olaraq, yeni tələbə yataqxanalarının inşa edilməsi istiqamətində aparılan işlərin genişləndirilməsinə ehtiyac var”.
