Bakıda bir çox yerdə elektrik doldurma stansiyaları quraşdırılıb. Lakin sürücülər avtomobillərini elektrik enerjisi ilə doldura bilmirlər. Səbəb isə həmin zolağı digər avtomobillərin park məqsədilə zəbt etməsidir.
Liderxeber.az-ın məlumatına görə, eleketrik doldurma stansiyaları qoyulub, qurğuya yaxınlaşmaq üçün yolkənarı yaşıl zolaq da çəkilib. Lakin buna məhəl qoyan yoxdur.
Məsələ ilə bağlı Bakı Şəhər Dövlət Yol Polisi İdarəsindən bildirilib ki, elektrik doldurma üçün nəzərdə tutulan ərazilərdə avtomobil park etmək qadağandır.
Həmçinin əlavə edilib ki, yol polisi tərəfindən bu istiqamətdə mütəmadi tədbirlər görülür.
