“Bəzi kənd məktəblərində musiqi, təsviri incəsənət kimi fənlər üzrə müəllim çatışmazlığı var”.
Liderxeber.az verir ki, bunu elm və təhsil naziri Emin Əmrullayev jurnalistlərə açıqlamasında deyib.
Nazir bildirib ki, əslində müəllimlər var, sadəcə onların kənd məktəblərində dərs saatları az olur: “Dərs saatlarının az olması problemdir. Orada çalışmaq müəllimlərə iqtisadi cəhətdən fayda vermir. Ona görə həmin məktəblərə yaxşı müəllim göndərmək bir qədər çətindir. Ümumiyyətlə, məsələnin mahiyyəti dəyişməlidir. Yəni saathesabı maaş sistemindən uzaqlaşmalıyıq. Bizim təklifimizə kiminsə əks təklifi varsa, dinləməyə hazırıq. Bu problemi qısa zamanda həll etmək qeyri-mümkündür. Buna uzun zaman lazımdır. Əsas məsələ odur ki, problemin həlli təklifi irəli sürülüb”.
