Füzuli Dövlət Dram Teatrı XXXV mövsümə Sevinc Elsevərin "Həyat elə bir oyun ki..." mono tamaşası ilə yekun vurub.
Liderxeber.az xəbər verir ki, tamaşada qadın obrazını teatrın ali dərəcəli aktrisası İntizar Quliyeva canlandırıb.
Qeyd edək ki, tamaşanın quruluşçu rejissoru Nicat Mirzəzadə, quruluşçu rəssamı Ellinaz Balaşova, musiqi tərtibatçısı Ziyad Süleymanovdur.
Tamaşadan əvvəl mövsüm bağlanışı ilə əlaqədar yekun iclas keçirilib. İclası teatrın direktoru Əməkdar mədəniyyət işçisi Vaqif Vəliyev açaraq 35-ci mövsümdəki fəaliyyətə nəzər salıb. Bütün kollektivi növbəti mövsüm bağlanışı münasibətilə təbrik edib və gələcək işlərində uğurlar arzulayıb.
