Hazırda bir çox media orqanlarında “Sevimli Dad”ın bağlanması ilə əlaqədar məlumatlar dərc olunub.
Mövzuyla bağlı “AZERA Holdinq”-in Biznesin İnkişafı Departamentinin rəhbəri Elnur Kələntərov Liderxeber.az-a açıqlamasında bildirib ki, süd məhsulları istehsalçısı, Milk Pro MMC (hüquqi şəxs) bağlanıb. Lakin Milk Pro MMC-yə məxsus olan “Sevimli dad” və “MilkPro” brendləri adında süd məhsulları hazırda "AZERA Holdinq" şirkətlər qrupuna daxil olan Azemal şirkəti tərəfindən istehsal olunur.
Onun sözlərinə görə, zavod bu ilin əvvəlindən tam gücündə fəaliyyət göstərir və istehlalçılara keyfiyyətli və ekoloji təmiz süd məhsullarını təqdim edir.
