Füzuli Dövlət Dram Teatrının direktoru, Əməkdar mədəniyyət işçisi Vaqif Vəliyev səhhəti kəskin ağırlaşıb.
Bu barədə onun oğlu, jurnalist Səbuhi Vaqifoğlu məlumat verib.
O bildirib ki, atası gecə saatlarında komaya düşüb. Hazırda Bakıda klinikaların birində süni nəfəs aparatına qoşulub.
Vaqif Vəliyevin komandan ayılması üçün həkimlər tərəfindən müalicə tədbirləri davam etdirilir.
Qeyd edək ki, 1958-ci il noyabrın 21-də Füzuli rayonun Füzuli şəhərində sənətkar ailəsində anadan olub.
Azərbaycan Respublikası Prezidenti cənab İlham Əlyevin 2013-cü il 25 iyun 2967 nömrəli sərəncamı ilə Vəliyev Vaqif Zülfü oğluna "Əməkdar Mədəniyyət işçisi” fəxri adı verilmişdir.
Vaqif Vəliyev mütəmadi olaraq cəbhə bölgəsində kollektivlə birlikdə etdiyi çıxışlarına görə Azərbaycan Qarabağ Müharibəsi Əlilləri, Veteranları və Şəhid Ailəlləri İctimai Birliyinin (QMEVSAIB) İdarə Heyətinin təsis etdiyi "Fədai" Medalı ilə də təltif olunub.Medal Xocalı faciəsinin 24-cü ildönümü ilə bağlı "N” saylı hərbi hissədə təşkil olunan tədbirdə Müdafiə Nazirliyinin zabiti, polkovnik Abdulla Qurbani tərəfindən təqdim olunmuşdur. Hərbi hissə də teatrın davamlı çıxışlarına görə digər bir təltif Horadizə şəhər statusunun verilməsi ilə əlaqədar keçirilən bayram tədbirində Vaqif Vəliyev Müdafiə Naziri Zakir Həsənovun xüsusi diploma ilə təltif olunmuşdur. Azərbaycan Respublikasının Dövlət Sərhəd Xidməti rəisinin 14 avqust 2019-cu il tarixli 51 N-li əmri ilə Azərbaycan Sərhəd Mühafizəsinin 100 illiyi ilə əlaqədar Azərbaycan Respublikasının yubiley medalı ilə təltif edilib.
